Gervinho duhet të shitet nga Arsenali

Gervinho duhet të shitet nga Arsenali

Arsenali vazhdon të kërkojë disa lojtarë për përforcimin e skuadrës, por së pari ata duhet të shesin lojtarë, duke filluar nga Gervinho.

26 vjeçari nuk arriti të futet në fushë shpesh sezonin e fundit, duke startuar në vetëm 12 ndeshje nga fillimi dhe duke u futur 6 herë si rezervist. Në ligë ai shënoi vetëm 5 gola dhe bëri 3 asistime.

Pasi shënoi 14 gola e 10 asistime me Lille në Francë, produktiviteti i tij në Arsenal ishte me të vërtetë zhgënjyes.

Media të shumta e kanë lidhur atë me largim, kryesisht drejt Romës që thuhet se madje ka bërë ofertë konrkete prej 7 milionë funtesh, por edhe Lyon, Marseille e disa ekipe tjera kanë shfaqur interesim.

Megjithatë, krejt ndryshe mendon vet lojtari. Ai në fund të sezonit ka thënë se dëshiron të e respektojë kontratën që e ka deri në vitin 2015, dhe se dëshiron që të luftojë për pozicionin e startuesit.

Sido që të jetë, largimi i tij duket të jetë më i miri për të gjitha palët. Është e qartë se roli i tij në Arsenal nuk është ai që kishte dëshirë të jetë. Ai luajti në më pak se gjysmën e ndeshjeve të sezonit të fundit në Premier Ligë, dhe nuk i arriti pritshmëritë.

Pastaj ai u la edhe jashtë skuadrës së Turneut parasezonal në Azi pasi ishte i sëmurë. Kjo mund të ishte mundësia që ai të fitonte hapsirë për të luajtur, por nuk e arriti.

Me Arsenalin që akoma po kërkon një sulmues tjetër, duket se nuk ka më hapsira për Gervinhon në këtë skuadër.

Ai në fakt duhet të kërkojë një ekip që do i jepte atij më shumë hapsira në fushë. Pastaj kjo ndoshta do ta ndihmonte atë që të e rikthente formën që kishte sa luante në Francë.

Për Arsenalin, ky largim i mundshëm do lironte hapsira për transferim të një sulmuesi të ri dhe do sillte akoma buxhet për këtë gjë. Gjithashtu, largimi i tij sa më i hershëm do të sillte ide të qarta për atë se si duhet të përforcohet sulmi, pra çfarë mangësish do të ketë ky repart.

Arsenali e di se Gervinho nuk është pjesë e së ardhmes së klubit, dhe vështirë se është edhe pjesë e së tashmes. Tanimë lojtari duhet të gjejë një klub të përshtatshëm, e Arsenali ta shesë sa më shpejtë që është e mundur.

5 gjërat që mësuam nga humbja e United ndaj Singha All Stars

5 gjërat që mësuam nga humbja e United ndaj Singha All Stars

Ndeshjet parasezonale të një skuadre rrallë konsiderohen si një tregues i vërtetë për performancat që do të tregojë ekipi përkatës në ndeshjet serioze.

Është shumë e lehtë që gazetat të i fillonin titujt e tyre me "David Moyes e fillon me një humbje", por testi i vërtetë i tij do të jetë në Gusht, në ndeshjen e Community Shield ndaj Wigan Athletic.

Gjithsesi, ia vlen që të bëjmë një analizë të disa aspekteve, të mirave apo mangësive që janë shfaqur gjatë kësaj ndeshje. Humbja e papritur 1-0 e Manchesterit ishte deri diku e turpshme, që sigurisht se duhet përmirësuar para se të fillojë sezoni i ri. Këtu i kemi 5 gjëra që i mësuam nga kjo ndeshje.

Adnan Januzaj ka potencial të madh

Është pikërisht ajo për të cilën shumë nga ne edhe e kemi shikuar lojën - fakti se Shqiptari me pasaportë Belge, Adnan Januzaj bëri debutimin e tij me ekipin e parë të Manchesterit, që nga minuta e parë.

18-vjeçari padyshim ishte ndër më të mirët në fushë, dhe tregoi se ka potencial që të bëhet ndër më të mirët në evropë në pozitën e tij. Megjithëse në disa raste u pa se atij i mungonte eksperienca, mbetet të shihet se a do ta përfshijë më shpesh në ekipin e parë Moyes, duke i dhënë më shumë hapësira që të shfaq këtë talent. Megjithatë një gjë është e sigurt - Januzaj është talent i padiskutueshëm.

Anglezët nuk arrijnë të impresonojnë

Ndoshta me përjashtim të Andersonit, me shumë gjasë dy lojtarët që zhgënjyen më së shumti në fushë ishin Danny Welbeck dhe Tom Cleverly. Anglezët luajtën shumë dobët, dhe shiheshin se nuk ishin aq të mirë në këtë lojë.

Welbeck i humbi disa shanse gjatë lojës, që shumica e sulmuesëve do të i shënonin "në gjumë". Dhe duket se ka nevojë akoma që të e arrijë "qetësinë" në zonë.

Në anën tjetër, Clevery nuk arriti që të lerë shenjë në mesfushë, duke vrapuar rreth fushës e duke mos pasur ndikim në lojë.

Të dytë sigurisht do të kenë mundësitë e tyre tek Moyes, por duhet që të tregojnë shumë më shumë nëse dëshirojnë të jenë të përzgjedhurit e tij.

Wilfried Zaha - ia vlen!

Ndër "gjërat më pozitive" të lojës, është Wilfried Zaha.

Sulmuesi Anglez ndikoi menjëherë në lojën e Manhesterit, me tu inkuadruar në pjesën e dytë, madje ishte shumë afër golit (duke goditur shtyllën).

Ai duket "i duhuri". Edhe pse në disa aspekte, si Januzaj, pati disa rënie për shkak të mungesës së eksperiencës, edhe ai tregoi se është një lojtar me potencial të madh.

Pas lojës Moyes deklaroi: "Wilfried luajti mirë. Na dha diçka më ndryshe. Ne e sollëm këtu për të i dhënë mundësi. Është hera e parë që punova me të dhe kisha mundësi ta shoh nga afër".

United duket taktikisht i ngathët pa Kagawën e Van Persien

Me Kagawën e Van Persien që nuk iu kanë bashkuar skuadrës akoma në turneun Aziatik, janë shfaqur edhe ngathtësitë e skuadrës në ndeshje.

Tom Cleverly prapa Welbeck, nuk duket të jetë kurrë një dyshe kreative apo interesante.

Me të ardhmën e Rooney akoma të paqartë, Kagawa duhet të jetë i kujdesshëm me rolin e tij në skuadër në sezonin e ardhshëm. Por, Japonezit duhet të i jepet mundësia të luaj si trekuartist, rolin të cilin e mbajti edhe në Dortmund.

Humbja e së shtunës tregoi se djajtë e kuq kanë nevojë për një lojtar me tipare sulmuese dhe kreativ gjatë tregut të transferimeve. Humbja eventuale e Thiagos "dhemb" edhe më shumë.

Ben Amos bëri pritjen e kësaj vere

"Do të jetë problem" që të shohim një pritje më të mirë se ajo që bëri Ben Amos ndaj Singha All Stars dje. 

Në pjesën e parë, ai e mbrojti një vollej të fuqishëm nga afër me reflekse dhe forcë të mahnitshme, dhe që sigurisht se ajo pritje do të mbetet për një kohë të gjatë në memorien e fansave që e panë ndeshjen.

Është fatkeqësi gjithsesi pranimi i golit në shtyllën e afërt nga ekipi kundërshtar. Ka mundur të bëjë më mirë në atë rast.

Ai duket si një portier i tretë mjaft i mirë, dhe madje ka shfaqur potencial për të konkurruar për portierin e dytë të skuadrës, dhe për të i zënë vend Anders Lindegaard. Megjithatë do të jetë i mirëseardhur rikthimi i De Geas në këtë turne të Manchesterit.

Çfarë mendoni ju për këtë humbje? Kush ju pëlqeu? Kush jo?