Çfarë do të thoshte nënshkrimi i Luis Suarez për Ronaldon?

Çfarë do të thoshte nënshkrimi i Luis Suarez për Ronaldon?

Luis Suarez e ka bërë të ditur se dëshiron të largohet nga Liverpool në sezonin e ardhshëm, dhe Real Madrid është ekipi më i mundshëm ku ai mund të transferohet. Raporte të shumta gjatë verës kanë treguar se sulmuesi i Uruguajit ka shprehur dëshirë që të kalojë në klubin madrilien.

Me të tilla hipoteza dhe me mundësi reale që Suarez të transferohet tek galaktikët gjatë verës, duhet të mendojmë se si do të ndikonte një transferim i tillë tek ylli i Realit - Cristiano Ronaldo.

Real Madridi tashmë ka bërë një lëvizje të madhe në fazën sulmuese, duke transferuar talentin Isco, por kjo lëvizje nuk pritet të ketë ndikim të madh tek Ronaldo. Talenti i të riut Spanjoll nuk mohohet, por nuk është edhe aq yll sa Luis Suarez, dhe kështu që ai nuk mund të ketë as vëmendjen që do kishte Suarez.

Pa dyshim se nënshkrimi i Iscos ka edhe anët pozitive - si rritjen e konkurrencës në fazën sulmuese, që do sillte edhe rritjen e kualitetit, por kjo temë është për të u shtjelluar një herë tjetër.

Një vend gjithsesi se duhet të i lirohet Suarez për të u transferuar, dhe si duket Higuain do të jetë "kurbani" i këtij transferimi, pasi është edhe në shitje nga Madrilienët.

Në rast se Higuain largohet dhe Suarez vjen, pritet që kjo të jetë një gjë e mirë dhe shumë pozitive për Cristiano Ronaldon.

Ylli Portugez nuk do të brengosej fare nëse do të nënshkruante edhe një yll tjetër i madh. Edhe pse ndoshta  nuk do ta kishte "të detyrueshme" që të mirëpriste transferimin e Suarez, ai do të i shikonte përfitimet e kësaj lëvizje për të mirën e tij. Madje, për të mirën e tij më i mirëseardhur do të ishte Suarez se sa Bale.

Ka dy arsye kryesore për këtë të fundit.

E para është se Bale është në kulmin e karierës së futbollit, andaj do të ishte shumë më konkurrues se Suarez kundrejt Ronaldos. Ai u bë kryesori tek Tottenhami, dhe paratë e mëdha që do duhej të paguante Reali do ta bënin edhe më të rëndësishëm. Në anën tjetër për Suarez nuk do duhej të paguhej një shumë aq e madhe, dhe kjo do të bënte më pak bujë në Madrid.

E dyta është se Bale e Ronaldo luajnë në pozicione të ngjajshme. Sigurisht, mund të provoheshin pozita të ndryshme - Bale në të majtë, Ronaldo në të djathtë ose anasjelltas, ose madje Ronaldo mund të shkonte në qendër që të e akomodonte Uellsianin. Por, e gjitha qëndron në atë se Ronaldo nuk do të ndëronte pozicion për ndonjë lojtarë tjetër, pamvarsisht talentit të tij.

Këtë gjë nuk do të duhej ta bënte me Suarezin.

Përveç talentit individual (për të cilin do të flasim më poshtë), nuk mund ta mohojmë se Suarez është një lojtar që luan për ekipin. Ai nuk e ka problem të luajë me Cavanin apo edhe Forlan ndonjëherë në kombëtaren e Uruguajit, e madje edhe në Liverpool, kur erdh Sturridge u tërhoq prapa.

Shenja të vogla ndoshta, por që tregojnë se nuk e ka problem të mos jetë në qendër të vëmendjes. Suarez do të shkonte në Madrid duke ditur se ai nuk është "ylli" i skuadrës, kurse për Bale do të ishte e kundërta. Pas gjithë kësaj, Suarez do të formonte një dyshe mjaft të mirë me Ronaldon.

Ai do të luftonte për një vend në sulm me Benzeman, i cili tashmë i di teket e Portugezit, por lëvizjet, kreativiteti dhe finishi i tij do të ndihmonin që presioni në Ronaldon të ulet. Ai ka shënuar 30 gola në 44 ndeshje në sezonin e fundit.

Nëse e fiton vendin startues, Suarez do të ishte "një Benzema më i shkathët", më "dredharak" e të lëvizshëm dhe dikë që, kur është në formë do të paraqiste një rrezik më të madh tek kundërshtari.

Statistikat e WhoScored tregojnë se Uruguajani kishte 2.2 pasime kyçe dhe 2.6 driblime të suksesshme në një ndeshje, kurse Benzema 1.3 pasime kyçe e 0.6 driblime.

Nëse ai nuk do të tregonte mjaft në fushë, që vështirë se do të ndodhë, Suarez do të tërhiqte paksa edhe vëmendjen e medias nga Ronaldo.

Mediat Spanjolle ndoshta nuk do të jenë edhe aq kritikuese sa ato Angleze, por që gjithsesi se do të interesoheshin mjaft për galaktikun e ri. 

Në përgjithësi, Ronaldo do të përfitonte në disa aspekte nëse Suarez do të transferohej në Madrid. Ai do të kishte një yll tjetër që të largonte presionin dhe në njëfarë forme edhe pritshmëritë nga vetja, dhe gjithashtu do të largonte edhe "vëmendjen e tepër" brenda e jashtë fushës.

Disa aspekte në të cilat Gerard Pique duhet të përmirësohet në sezonin vijues

Disa aspekte në të cilat Gerard Pique duhet të përmirësohet në sezonin vijues

Nuk ka dyshim, e nuk është as "sekret", se Barcelona ka vuajtur në mbrojtje në sezonin e fundit, dhe në fakt është reparti që ka nevojë urgjente për të u përforcuar. Megjithatë, që vija e mbrojtjes të funksionoj më së miri, një lojtar duhet të përmirësohet.

Gerard Pique ka qenë për një kohë të gjatë zëvendësues i Puyolit në mbrojtjen e Barcelonës, por ato ditë kanë shkuar. 26 vjeçari ka mundësi që të jetë ndër mbrojtësit më të mirë në botë, megjithatë për të arritur këtë gjë duhet të përmirësohet në disa aspekte.

Të jetë më i rrezikshëm në zonë

Barcelona është një skuadër që njihet për korneret e shkurtër. Pothuajse është lëvizje e parashikueshme kur Xavi drejtohet tek flamuri i kornerit - ai do të i pasojë lojtarit më të afërt. Jo shpesh bën krosime të gjata drejt zonës.

Pique është lojtari më i gjatë i Barcelonës - 1.92m. Megjithatë, ai rrallë shfaqet i rrezikshëm në zonë gjatë goditjeve nga këndi. Mbrojtësi i Barcelonës duhet të përmirësojë saktësinë e goditjeve me kokë që të bëhet një lojtar më i mirë, dhe më e rëndësishmja - të i japë Barcelonës më shumë mundësi në sulm.

Nuk është e rrallë që gjatë lojës të shohim Piquen të i bashkangjitet sulmit, dhe të jetë pjesmarrës në krosimet eventuale që i bën skuadra e Barcelonës. Por, problemi është se goditjet e tij me kokë rrallë i testojnë portierët kundërshtar. Zakonisht ndodh që ai e gjuan larg portës, dhe topi i ipet kundërshtarit.

Nëse Pique mund të arrij të bëhet më i rrezikshëm në këtë aspekt, jo vetëm se do të përmirësohej shumë individualisht, por edhe do i jepte një mundësi më shumë Barcelonës në goditjet nga këndi, e jo të vazhdohet me qarkullimin e topit në mesfushë edhe nga ajo situatë (goditja nga këndi).

Të i mbrojë goditjet e lira e krosimet e kundërshtarit
Përkundër gjatësisë së tij, Pique ka treguar se nuk është aq i aftë për të mbrojtur kur topi është në ajër. Përkundër asaj se ka bërë disa ndërhyrje të shkëlqyeshme, ai gjithashtu ka bërë gabime të shumta duke i dhënë hapsira kundërshtarëve.

Pique e Busquets janë "të vetmit lojtarë të mëdhenjë" tek Barcelona, andaj përgjegjësia për të mbrojtur topat e lartë bie mbi ta. Mirëpo, fatkeqësisht për Barcelonën, asnjëri nga ta nuk është edhe aq i mirë në lojën në ajër.

Megjithatë, si një mbrojtës i vërtetë, Pique duhet të përmirësohet shumë shpejt në këtë aspekt.

Nëse Pique do të përmirësohet në goditjet në ajër, atëherë Barcelona do të kishte më të lehtë të i kontrollonte aksionet nga godijet që sjellin lojën me topa të gjatë. Edhe Busquets duhet të përmirësohet, por e gjitha fillon nga Pique.

Duhet të bëhet më konsistent (i qëndrueshëm)
Njëri ndër aspektet më të "mërzitshëm" të Piques për fansat e Barcelonës është mos-qëndrueshmëria e tij. Ai duhet të bëhet më i qëndrushëm nëse dëshiron të arrij në potencialin e tij të plotë.

Kur Pique u kthye në fillim në Barcelonë, ishte ndër mbrojtësit më të mirë në planet. Aftësija e tij mbrojtëse dhe fuqia e tij u "përshtatën" shumë mirë, dhe me Puyolin formuan një mur të vërtetë në mbrojtje.

Megjithatë, me kalimin e kohës nuk duket më ashtu.

Gerard Pique u bë tejet i paqëndrueshëm deri në atë pikë sa askush nuk është i sigurt se "cili Pique" do të shfaqet në ndeshje. Njëherë shfaq aftësitë e tij më të mira, duke treguar se është ndër mbrojtësit më të mirë në botë, por në ndeshjen tjetër bën gabime të shumta.

26-vjeçari nuk mund të vazhdojë më kështu. Ai duhet të kap ritmin dhe të jetë tejet i qëndrueshëm, ose Barcelona do të pësojë shumë nga kjo dobësi e tij.

Pique duhet të bëhet lider
Është ndoshta përmirësimi më i nevojshëm që Pique duhet të bëj në sezonin vijues. Ai duhet të bëhet lider i mbrojtjes së Barcelonës, ose kjo e fundit nuk do të mbijetojë.

Puyol kaloi shumë sezone duke formuar murin e mbrojtjes bashkë me Piquen, dhe duke bashkpunuar shumë mirë me të. Që kur atë e kapën lëndimet, Pique nuk dukej më ai mbrojtsi që tifozët e Barcelonës janë mësuar ta shohin.

Është e vërtetë se Piques i mungon lideri që ishte në krah të tij, por tanimë ai duhet të e marrë vetë rolin e liderit.

Ka kaluar disa vite duke mësuar nga Puyol, dhe tanimë është koha që të i përdor ato mësime. Mbrojtja e Barcelonës i takon Piques tashmë, dhe është tejet e nevojshme që ai të bëhet lideri.

A pajtoheni edhe ju me këtë analizë? Çfarë përmirësime tjera duhet të bëjë Pique apo mbrojtja e Barcelonës në përgjithësi? A mund të jetë Pique lideri që i duhet Barcelonës? Shprehuni në hapësirën për komente.