Disa aspekte pozitive të largimit eventual të Cavanit nga Napoli

Disa aspekte pozitive të largimit eventual të Cavanit nga Napoli

Klube të shumta Europiane janë lidhur me një kalim të mundshëm të Cavanit nga Napoli tek to, e megjithatë ekipi që së fundmi duket se ka arritur të përmbushë kërkesat e klubit është PSG.

Megjithatë, me zhvillimet e fundit dhe me atë që jemi mësuar të shohim në merkato në të kaluarën, asgjë nuk i dihet.

Për Napolin, por edhe për tifozët e këtij klubi, do të ishte më mirë që të lihej tashmë pas Cavani e të shikohet përpara.

Klauzola e largimit të tij mbetet 63 milionë euro, dhe me këto para Napoli do të mund të investonte shumë në përforcimin e skuadrës. 

Tashmë thashethemet për transferime kanë fillluar, dhe lojtari që po lidhet me një transferim te Napoli është sumuesi i Cityt, Edin Dzeko. Sigurisht se do të ishte një fillim i mirë ky, por Napoli nuk duhet të ndalet me aq.

Napoli tashmë ka filluar përforcimet, së fundmi morrën edhe portierin Brazilian Rafael për 5 milion euro, pasi që flitet se De Sanctis është afër Romës.

Mirëpo, Napoli duhet të përforcohet në çdo repart. Mbrojtja ishte jo edhe aq e qëndrueshme sezonin e fundit, e edhe mesfusha ka nevojë që të përforcohet. Veç asaj, nëse llogarisim se largohet Cavani, Benitezit do të i duhet një përforcim i mëtutjeshëm i sulmit.

Kurrë nuk është lehtë të e shohësh duke u larguar një lojtar që ka domethënie aq të madhe të klubit, por Napoli duhet të përfitojë nga kjo situatë dhe të përforcohet.

Nëse Napoli ka dëshirë që të jetë një kandidat serioz për Champions, Serie A e kupën e Italisë, sigurisht se duhet të forcojë formacionin startues. Juventus tashmë po e përforcon formacionin që edhe e kishte të mirë sezonin e fundit. Milani ka dy sulmuesit El Sharaawy e Balotelli, dhe pritet që të bëjë ca transfere. As Interi, Fiorentina (me transferime shumë të mira) e Roma nuk janë prapa.

Nëse Napoli dëshiron të jetë kompetitiv edhe në sezonin e ardhshëm, do të duhet të mendoj seriozisht për përforcime. Shitja e Cavanit do të i jepte fonde më se të mjaftueshme për të bërë një gjë të tillë.

Llorente në Juventus, analizë e shkurtër

Si mund ta shfrytëzojë më së miri Juventusi Llorenten

Gjatë afatit kalimtar të Janarit, Juventus deklaroi se do të sjell në Qershor sulmuesin e shumëkërkuar të Bilbaos, Fernando Llorente.

Ai iu bashkangjit ekipit më 1 korrik, dhe tanimë do ta vazhdojë karierën e tij tek "Zonja e Vjetër".

Pas 5 sezoneve me gola dy-shifror, në sezonin e fundit Llorente shënoi vetëm një gol në La Ligën Spanjolle. Kjo, sigurisht pas "dënimit" që morri nga menaxheri Marcelo Bielsa.

Qëndrimi i Llorentes ishte arsyeja kryesore pse ai e nxehte pankinën - pasi që ai ia bëri të qartë drejtuesëve të Bilbaos se do të largohet në një klub më të madh dhe me ambicie më të mëdha.

Mirëpo, nëse e harrojmë sezonin e fundit, mund të shohim një Llorente krejt ndryshe. Në fakt, shohim njërin ndër sulmuesit Spanjoll më në formë. Është një sulmues tipik, dhe sidomos shumë i mirë në ajër.

Ai është sidomos i mirë kur vjen puna tek gjuajtjet e lira. Në sezonet e fundit ai e ka rritur vetëbesimin dhe ka mësuar se si të i kombinojë aftësitë e tij me fizikun, duke arritur kështu që të jetë më agresivë dhe direkt në lojën e tij.

Llorente bashkohet me një ekip që në fakt ka vuajtur shumë në repartin sulmues. Ai pritet që të jetë partner me një lojtar tjetër që Juventusi e transferoi - Carlos Tevez, duke formuar kështu një sulm të frikshëm.

Llorente pritet që të merr shumë topa në ajër, ku edhe është shumë i fortë. Nga të dyja krahët, Asamoah e Lichsteiner, po edhe nga mesi i fushës "magjistari" Pirlo, pritet që ta furnizojnë jo pak Spanjollin me topa të gjatë e të lartë.

Gjithsesi në fund, Llorente duhet të e harroj sezonin që la pas sa më shpejtë, dhe të shpresojë se do të përshtatet shpejtë tek Juventusi, po edhe tek kampionati Italian.

Ju çfarë mendoni për këtë transfer? A mendoni se Llorente do të përshtatet me lojën e Juventusit? Shprehuni në hapësirën për komente.

Pse fituesi i sezonit 2013-2014 të Ligës së Kampionëve, ka gjasa reale të jetë Italian?

Ngjarjet më të bujshme në këtë verë, që ka qenë shumë aktive për nga transferimet, ishin padyshim ato të aderimit të Guardiolës tek kampioni evropian - Bayern, apo edhe Trasnferimi i Neymarit tek Barcelona.